Кеча Ўзбекистон ва Янги Зеландия ёшлар терма жамоалари иккинчи марта ўртоқлик учрашувини ўтказишди. Бу сафар ҳам Равшан Ҳайдаров шогирдлари океаниялик рақибларини мағлубиятга учратишди (2:1). Меҳмонлар бош мураббий Даррен Базели www.stuff.co.nz сайтига ўйин орасида ўз фикрларини билдириб ўтди.
"Ўйиннинг аксарият қисмида биз устунликка эришдик, аммо вазиятлардан фойдалана олмадик. Ўйин сўнгида ҳам кўплаб имкониятларга эга бўлдик. Бугун яхши ўйнаганимизни ўзимиз ҳам ҳис қилдик, аммо ғалаба қозона олмадик.
Биринчи ўйинга нисбатан яхши ўйнадик, аммо ютқазиш аламли бўлди. Бугун тўпни назорат қилиш, ҳужум ташкил қилиш бўйича ёмон ҳаракат қилмадик. Мазкур ўйин орқали ўзимизнинг айрим саволларимизга жавоб топдик.
Ўзбекистон — яхши жамоа. Уларнинг сафида бир қанча яхши ўйинчилар бор. Ўйинимизни яна яхшиласак, ижобий натижалар кела бошлайди", - дейди Базели.
