«Атлетико» ҳимоячиси Миранда «Барселона» ва «Реал»га қарши ўйинлари борасида ўз фикрларини билдириб ўтди. Эслатиб ўтамиз, "Атлетико" ЕЧЛ чорак финалида "Реал"га қарши баҳс олиб боришади.

«Олдимизда иккита ўта оғир ўйинлар кутиб турибди. «Реал» жуда кучли жамоа. У клублар ўртасидаги жаҳон чемпионатининг амалдаги ғолиби. Лекин уларни мағлуб этиш мумкин. Улар билан рақобатлашишга қодирмиз.

Лекин Роналдунинг "Реал"ига қараганда «Барселона»га қарши ўйнаш оғир. Каталонияликлар қисқа паслар орқали ўйнашади. Уларнинг сафида маҳоратли ўйинчилар кўп, биринчи навбатда Месси ва Неймар ўйин тақдирини ҳал қила олишади», – дейди Миранда.