Испания чемпиоантининг 30-турида "Барселона" йирик ҳисобда ғалаба қозонди. Каталонияликлар ўз майдонларида "Альмерия" дарвозасига жавобсиз 4та тўп йўллашди.
Энрике ушбу ўйинга жамоанинг бир неча етакчиларини туширмаган ҳолда, айрим футболчиларга ўйин амалиётини берди. Бундан ташқари, Месси яхши ўйин тонусида бўлмагани учун бўлса керак, "кўк-анорранглилар"нинг ўйини баҳс бошида у қадар қовушмади. Шундай вазиятда Лионель катта саҳнага чиқди ва ўнг томондан бир ҳимоячини алдаб ўтиб, айланма зарба билан олис бурчакни аниқ нишонга олди.
Иккинчи бўлимда эса барчаси ўз жойига тушди. Мезбонлар кучни тежаб ўйнаганларига қарамай, рақиб дарвозасига яна 3та гол уришди. Суареснинг биринчи голи Мессиникига жуда ўхшаб кетган бўлса, ўйин охирида у бўш дарвозага ўзининг иккинчи голини урди. Орадан бурчак тўпидан сўнг Бартра бош билан "Барса"нинг учинчи голига муаллифлик қилди.
Ушбу ғалабадан кейин "Барселона" пешқадамлик қилишда давом этадиган бўлди.
Барселона – Альмерия 4:0 (1:0, 3:0)
Голлар: 1:0 – 33 Месси, 2:0 – 55 Суарес, 3:0 – 75 Бартра, 4:0 – 90 Суарес.
Барселона – Браво, Дани Алвес (Монтойя, 64), Бартра, Адриано, Хави, Роберто, Педро, Маскерано, Ракитич (Рафинья, 67), Месси, Суарес.
Альмерия – Куэста, Трухильо, Марин, Наварро, Касадо, Эспиноса (Мане, 79), Корона, Веллингтон (Сориано, 56), Тейе, Мендес (Зонго, 72), Бифума.
Огоҳлантиришлар: Маскерано (43), Касадо (87).
