"Челси" бош мураббийи Жозе Моуриньо футболнинг одамлар ҳаётида муҳимлик даражаси ҳақида фикр билдирди. Шунингдек, Forbes журналинининг футболни одамлар учун муҳим нарсалар ичида юзликка киритилишига тушунмади.
"Футболга иштиёқ билан билан қарашим мумкин, аммо биз профессионаллар учун ҳам у энг асосий ўринни эгалламайди. Агар шундай бўлса - бу бизда муаммо бор экан. Бу мухлисларга ҳам тегишли. Португалияда шундай дейишади: икки нарсани алмаштириб бўлмайди - она ва мухлислик қилаётган клубини.
Тушунаман, футбол ижтимоий, сиёсий, маданий соҳаларда жуда кучли, аммо қандай қилиб Forbes уни одамлар ҳаётига кучли таъсир кўрсатувчи 100 та нарса қаторига қўшганига тушуна олмаяпман.
Биламан, мухлислик қилаётган жамоаси ютқазса, бешинчи қаватдан ўзини ташлашга тайёр одамлар бор, аммо уларда муаммо бор. Қандай қилиб футбол ёки футбол мураббийини олим ёки доктор билан тенглаштириш мумкин", - дейди Моуриньо.
