"Фенербахче" клуби автобусига ҳужум қилганликда гумон қилинган икки киши четга чиқмаслик ҳақида ишончнома ёзганларидан сўнг озодликка чиқарилди.
Турк полицияси бу фуқароларни 7 апрель куни ҳибсга олган эди. Аммо суд далиллар етишмагани учун уларни қўйиб юборишга қарор қилди.
Эслатиб ўтамиз, миллий чемпионатининг "Ризеспор"га қарши учрашувидан сўнг (5:1) Трабзон аэропортига йўл олган "Фенербахче" клуби автобуси номалум кимсалар томонидан ўққа тутилган ва ҳайдовчи жароҳат олган эди. Футболчилардан ҳеч ким жабр чекмаган.
Ушбу воқеа тафсилотлари аниқланмагунча "Фенербахче" футбол ўйнашдан бош тортиб келмоқда эди.