"Барселона" бош мураббийи Луис Энрике "Севилья"га қарши ўйин олдидан интервью берди.
"Бизни қизиқарли ўйин кутмоқда. Мен "Севилья"ни чемпионатнинг энг хавфли клублари сафига қўшаман. Севильяликлар ўз майдонларида ҳар қандай жамоага жиддий қаршилик кўрсатадилар. Улар турли услубда ўйнай олишади. Бу эса уларни янада хавфлироқ жамоага айлантиради.
Алвес келажагининг мавҳум бўлиб тургани унинг ўйинига таъсир кўрсатадими? Ишончим комил, йўқ. У бугун машғулотда ўзини яхши томондан кўрсатди. "Барселона" футболчилари миш-мишларга ўрганиб қолишган.
Иньеста? Унинг ўйини мени қаноатлантирмоқда. У бизга майдонда кўплаб вариантларини тақдим қилмоқда. Шунингдек, Хави ҳам юқори савияда ўйнамоқда. У футболчига керак бўлган барча хислатларга эга.
Альба бошланғич таркибга кириши мумкинми? Рўйхатга кирган экан, демак илк дақиқалардан ўйнаши мумкин", - дейди Луис Энрике.