"Астон Вилла" бош мураббийи Тим Шервуд Англия чемпионатининг 32-турида "Тоттенҳэм"га қарши учрашув олдидан собиқ шогирди Харри Кейн борасида ҳазил қилди.
Шервуд 21 ёшли Харри Кейннинг фаолиятида катта роль ўйнаган.
"Мен бу ёзда уни жамоамга қўшиб олишга ҳаракат қиламан. Аммо Бентекенинг қандай голлар ураётгани, Агбонлахор қандай ўйин кўрсатаётганини ҳисобга олсак, Кейинга бизда жой топилмайди.
Харри - яхши ўйинчи ва биз унга ҳурмат бажо келтиришимиз керак. Аммо шундай ўйинларга гувоҳ бўлганманки, уни ўйиндан узиб қўйишган. Шанба куни шундай қилишга ҳаракат қилиб кўрамиз", - дейди Шервуд.