"Реал" Испания чемпонатининг навбатдаги турида ҳам ғалаба қозонди. "Эйбар" "Сантьяго Бернабеу"да мезбонлар босимига дош бера олмади.

Анчелотти мазкур ўйинда жароҳат туфайли Бэйл, сариқ карточкалар сабаб Хамес ва Кроос хизматларидан фойдалана олмади. "Райо Вальекано" билан баҳсда олган сариқ карточкаси бекор қилинган Роналду эса ўз жамоасига ёрдам берди ва ўз ҳисобига навбатдаги голни ёзиб қўйди. Шу тариқа, унинг Ла лигадаги голлари сони 38тага етди. Криштиану жарима зарбасидан жамоасини олдинга олиб чиқди.

Бу ўйинда Бенземанинг ўрнида ҳаракат қилган Чичарито қанотдан етказилган узатмани бош билан "Эйбар" дарвозасига йўллади. Ўйин тугашига 7 дақиқа қолганида Хесе бир ҳимоячини алдаб жарима майдончасига кирди ва олис бурчакни аниқ нишонга олди. 3:0.

Испания Ла лигаси, 31-тур
Реал Мадрид – Эйбар 3:0 (2:0, 1:0)
Голлар: 1:0 – 21 Роналду, 2:0 – 31 Эрнандес, 3:0 – 83 Хесе.
Реал Мадрид – Навас, Арбелоа, Рамос (Пепе, 64), Варан, Марсело (Начо, 65), Иско, Ильярраменди, Хесе, Модрич (Лукас Силва, 61), Эрнандес, Роналду.
Эйбар – Ирурета, Аньибарро, Навас, Кастельяно, Вила, Лара, Дани Гарсия (Боатенг, 77), Капа, Берхон (Арруабаррена, 46), Фернандес, Дель Мораль (Пьоваккари, 66).
Огоҳлантиришлар: Вила (41), Арруабаррена (49), Боатенг (80).