Англия Премьер-лигасининг 32-турида "Челси" яна бир қийин ғалабани қўлга киритди.
Ўйин давомида голли вазиятлар кўп бўлмади. Жамоалар икки мартадан голли вазиятларни юзага келтиришди. "КПР"нинг зарбаларини Тибо Куртуа бартараф этиб, жамоасини муқаррар голлардан қутқарди. Мезбонлар мудофааси ва посбони ҳам ёмон ҳаракат қилишмади. Бироқ ўйин тугашига 2 дақиқа қолганида "КПР" посбони Роберт Грин қўлида ушлаган тўпни тепиб юборишда муваффақиятсиз ҳаракат қилди. Тўп майдон марказигача ҳам бормади. Азар тўпни эгаллаб олдинга юрди. Чап қанотда Оскар билан "девор" ўйнаб, жарима майдончасига кирди ва орқароққа узатма берди. Сеск Фабрегаснинг зарбасини Грин оёқлари олдидан ўтказиб юборди. Унинг йўлини ҳимоячилар тўсиб қўйишганди.
Ушбу ғалабадан кейин "Челси" "Арсенал" билан 7 очколик фарқни сақлаб қолди. Боз "аристократлар" ҳисобида битта захира ўйини ҳам бор.
АПЛ. 32-тур
КПР – Челси 0:1 (0:0, 0:1)
Гол: 0:1 – 88 Фабрегас.
КПР – Грин, Онуоха, Колкер, Хилл, Раньери (Кранчар, 81), Исла (Данн, 90), Генри, Филлипс, Бартон, Остин, Замора (Хойлетт, 83).
Челси – Куртуа, Иванович, Терри, Кэйхилл, Аспиликуэта, Рамирес (Оскар, 56), Матич, Фабрегас (Зума, 90), Виллиан (Куадрадо, 80), Азар, Дрогба.
Огоҳлантиришлар: Дрогба (60), Замора (75), Раньери (78).
