Футбол эксперти Гари Невилл Манчестер дербисида “шаҳарликлар”нинг мағлубиятидан сўнг (2:4) “Манчестер Сити”да кадрлар ислоҳотини ўтказиш кераклигини таъкидлаб ўтди.

”Сити”да ўзгаришлар бўлади, у футболчиларга, мураббийга, раҳбариятга таъсир қилиши мумкин, – деди Невилл. – Жамоанинг ўсишига айрим ёввойи ўтлар халақит бермоқда. Яя Турени олайлик. У ҳужумга яхши ҳисса қўшади, лекин ҳимояга зиён келтиради. Мувозанат бузилганда эса ҳужумкор ҳаракатлар етарли самара бермайди, ҳимоядаги ўйин ҳам рисоладагидек бўлмайди. Ё у жисмоний жиҳатдан тайёр эмас, ёки майдонда ўз ишини қилишни хоҳламайди”.