16 апрель - пайшанба кунги «Динамо» - «Локомотив» ўйини билан Олий Лига 5-тур учрашувларига старт берилади.

Сўнгги икки ўйинда «Ал Садд» ва «Бунёдкор» устидан йирик ҳисобда ғалаба қозонган «Темирйўлчилар» ушбу турда Самарқандда «Динамо» меҳмони бўлишади.

Тошкент жамоасининг ОЧЛ 5-тури доирасида 21 апрель, сешанба куни «Ал Ҳилол»га қарши муҳим учрашуви боис Самарқанддаги 5-тур ўйини тақвим бўйича дам олиш кунида эмас, 16 апрель пайшанба кунига белгиланган.

Ушбу ўйинга чиқарилган афишаларда «Динамо» - «Локомотив» учрашувининг соат 16:30 да бошланиши эълон қилинганди. Аммо маълум сабабларга кўра, ўйин 30 дақиқа олдин – 16:00 да бошланадиган бўлди.

Олий Лига. 5-тур. 16 апрель (пайшанба)
«Динамо» (Самарқанд) - «Локомотив» (Тошкент)