Мавсум охирида Дортмунднинг “Боруссия” клубидан кетиши мумкинлигини эълон қилган мураббий Юрген Клопп фаолиятини “Барселона”да давом эттириши мумкин.
Каталония клуби президентлиги учун курашаётган уччала номзод ҳам 47 ёшли мутахассис билан боғланиб улгуришган, деб хабар бермоқда Goal.com га асосланиб Sports.ru.
“Барселона”нинг айни вақтдаги презтиденти Жозеп Бартомеу Клопп билан мавсум ўртасида суҳбатлашган, бироқ ёзга келиб мураббий алмаштириш керак ёки керак эмаслигини ҳал қилади.
Бошқа икки номзод — Жоан Лапорта ҳамда Агусти Бенедито ҳам германиялик мураббий билан боғланиб улгуришган.
Эслатиб ўтамиз, “Барселона” президентлиги учун сайловлар мавсум якунига етгач ўтказилади.
