Ҳамюртимиз Асрор Ғофуров тўп сурадиган “Манисаспор” жамоаси Туркия кубоги чорак финалига чиққани ҳақида хабар берган эдик.

“Маниса”га чорак финалда Туркиянинг энг номдор жамоаларидан бири “Галатасарой” рақиблик қилди. Ушбу икки жамоанинг дастлабки тўқнашувида турк гранди йирик 4:0 ҳисобида зафар қучганди.

Кеча ушбу икки жамоалар жавоб баҳсида майдонга тушишди.

Маниса шаҳарида кечган беллашув кескин ва муросасиз курашларга бой тарзда кечди. Кучли рақибга қарши ўз мухлислари олдида етарлича қаршилик кўрсатишга ҳаракат қилган “Маниса” футболчилари мазкур беллашувда жуда ажойиб тарзда ўйин кўрсатишди. Айниқса, биринчи лига иштирокчиси сафида ҳам юртимиз Асрор Ғофуров ҳам ўзини кўрсата олди. Асосий таркибда майдонга тушган Асрор учрашувда тўлиқ 90 дақиқа ўйнади.

Асрор ва унинг жамоадошлари “Галатасарой”дек кучли клубга қарши ўтган беллашувда дуранг ўйнашди. Учрашув 1:1 ҳисобида якунига етди.

Манисаспор – Галатасарой 1:1

Ҳакамлар: Алпер Улусой, Исмаил Сенсан, Ибраҳим Бозбей
Манисаспор: Умут Кая, Асрор Ғофуров, Эрди Онер, Умит Ясин Арслан (58 Али Фўрат Окур), Микис, Гокщан Саздағ (67 Димитров), Ҳақан Туран, Ҳакан Барис, Исмаил Косе, Огузҳан Каяр, Сабан Генисюрек (Дк. 83 Юсуф Акйел)
Галатасарой: Синан Болат, Тарок Самдал (82 Каан Байсал), Корай Гунтер, Семиҳ Кая, Олсан Адон, Жемаили, Мело (62 Сабри Сарўглу), Екта Куртулус, Айдан Йилмаз (46 Синан Гумус), Эмре Солак, Пандев
Голлар: 76 Ҳакан Туран (Манисаспор), 1 Екта Куртулус (Галатасарай)

Икки учрашув натижасига кўра, “Галатасарой” 5:1 ҳисобида устун келди ва кейинги босқичга йўл олди.