"Бавария"нинг собиқ бош мураббийи Оттмар Хитцфельд келажакда мюнхенликларни Юрген Клопп бошқариши мумкинлигини айтмоқда.
"Ҳеч қандай муаммо кўрмаяпман. Мураббий, ёлланган аскар кабидир. Уни жамоани шохсупаларга олиб чиқиши учун ёллайдилар. Агар "Бавария" бош мураббийи вазифаси бўшаб қолса, Клопп жиддий номзод бўлиши мумкин. Юргеннинг келажаги менга ҳам қизиқ", - дейди Хитцфельд.
"Боруссия" мавсум тугагач, Клоппнинг жамоани тарк этишини эълон қилган. Мураббийнинг ўзида ҳам шундай хоҳиш бор.
Бундеслиганинг 28-туридан сўнг дортмундликлар 10-ўринда бормоқдалар.