"Ювентус" бош мураббийи Массимилиано Аллегри Италия чемпионатининг 31-турида "Лацио" устидан қозонилган ғалабадан сўнг (2:0) фикрлари билан ўртоқлашди.
Туринликлар энг яқин таъқибчисидан 15 очко илгарилаб кетдилар.
"Мен жамоамнинг бугунги ўйинидангина эмас, бутун мавсумдаги ўйинидан мамнунман. Бу жуда муҳим ўйин эди ва биз охирги вақтда Италияда ҳаммадан яхши ўйнаётган жамоани енгиб, ўз савиямизни кўрсатдик. Бунда уларнинг жисмоний ҳолати бизникидан яхшироқ эди, чунки биз кўпроқ майдонга тушяпмиз.
Биз "Лацио"ни улар иккинчи ўринда бораётганликлари учунгина мағлуб этишимиз керакмасди. "Лацио" қаторасига саккиз учрашувда ғалаба қозонмоқдалар ва иккитагина тўп ўтказиб юборганлар, холос. Чемпион бўлишимиз учун бизга яна 2-3 ғалаба зарур", - дейди Аллегри.
