"Манчестер Сити" футболчиси Давид Силва Англия чемпионатининг 33-турида "Вест Ҳэм"га қарши учрашувда жиддий жароҳат олди.
Футболчининг юзига кислородли ниқоб тутилган ҳолатда майдондан олиб чиқиб кетилди. Учрашувнинг 67-дақиқасида испаниялик футболчининг юзига меҳмонлар футболчиси Шейку Куйятенинг тирсаги урилди. Шифокорлар бир неча дақиқа футболчига майдонда ёрдам кўрсатдилар, шундан сўнг уни замбилда олиб чиқиб кетдилар. Унинг юзига кислородли ниқоб тутилди.
Куйяте сариқ карточка билан жазоланди.














