Қизиқ ва муросасиз руҳда ўтиши кутилаётган учрашувлардан бирида Тошкентнинг “Локомотив” жамоаси Саудия Арабистонининг “Ал Ҳилол” жамоаси билан баҳс юритади.

Учрашув олдидан “темирйўлчилар” етакчиси Темур Кападзе ўз фикрларини билдириб ўтди.

- Олдинда бизни жуда қийин учрашув кутиб турибди. Боиси рақиб Осиёда ўзига яраша нуфузга эга жамоалардан саналади. Лекин биз ҳам мағлубият тўғрисида ўйлаётганимиз йўқ. Мақсадимиз – фақат ғалаба қозониш. Жамоадаги йигитларнинг кайфиятлари аъло даражада. Ҳамма бўлажак ўйинга бор эътиборини қаратган. Насиб қилса, эртанги учрашувда зафар қучамиз ва мухлисларимизни хушнуд этамиз, - дейди тажрибали футболчи.

Таъкидлаб ўтамиз, “Локомотив” – “Ал Ҳилол” учрашуви эртага соат 16:00 да бўлиб ўтади.