Таиландлик тадбиркор Би Течаубол Италиянинг “Милан” футбол клубини сотиб олиш бўйича келишувни 26 апрелда ниҳоясига етказади.
Течаубол клубнинг 20 фоиз акцияси эгасига айланади ҳамда яна бир йил давомида клубнинг яна 45 фоиз акциясини сотиб олади. Шу тариқа, Течаубол клубнинг бош акциядори ва президентига айланади.
“26 апрелда мен “Милан” футбол клубини сотиб олиш бўйича ҳужжатларни имзолаш учун Миланга ташриф буюраман”, деб айтди тадбиркор.
“Милан”нинг бўлғуси президентининг бойлиги 1 млрд еврога баҳоланган. Течауболнинг бизнеси асосан Таиланд ва Австралиядаги кўчмас мулк ва реклама соҳаларидаги фаолияти билан боғлиқ.
