Яна бир неча дақиқалардан сўнг Европа чемпионлар лигаси ва Европа лигасининг ярим финал босқичига қуръа ташлаш маросими бўлиб ўтади. Тошкент вақти билан соат 15:00да Европа лигаси, 15:20да эса ЕЧЛга қуръа ташланади.

Қуръа маросими "Спорт" канали орқали жонли трансляция қилинади. Stadion.uz ҳам тадбирни матнли ОНЛАЙН ТРАНСЛЯЦИЯ шаклида эътиборингизга ҳавола қилади.

Европа лигаси қуръаси, 15:00
Жамоалар: "Севилья", "Днепр", "Фиорентина", "Наполи".
"Кўр-кўрона" қуръа ташланади. Жамоалар саватчаларга ажратилмайди. Қуръада биринчи тортилган жамоа дастлабки ўйинда номи иккинчи бўлиб чиққан клубни ўз майдонида қабул қилади. Учинчи ва тўртинчи жамоалар билан ҳам вазият шундай бўлади. Ярим финал ўйинлари 7 ва 14 май кунлари ўтказилади. Финал баҳси эса 27 май куни Варшавада бўлиб ўтади.

ЕЧЛ қуръаси, 15:20
Жамоалар: "Барселона", "Бавария", "Реал Мадрид", "Ювентус"
Қуръа "кўр-кўрона" арзда ўтказилади. Жамоалар қуръадан аввал саватчаларга ажратилмайди. Қуръада биринчи тортилган жамоа дастлабки ўйинда номи иккинчи бўлиб чиққан клубни ўз майдонида қабул қилади. Учинчи ва тўртинчи жамоалар билан ҳам вазият шундай бўлади.

Ярим финалнинг дастлабки ўйинлари 5-6 май, жавоб учрашувлари эса 12-13 май кунларига белгиланган. Финал эса 6 июнь куни Берлинда бўлиб ўтади.