Россия Премьер-лигасининг 25-тур марказий учрашувида икки ҳамюртимиз тўп тепаётган клублар бир-бирлари билан тўқнаш келишди. Европа Чемпионлар лигаси йўлланмаси учун кураш олиб бораётган Одил Аҳмедовнинг “Краснодар” жамоаси ўз майдонида мавсумни омадсиз ўтказаётган Виталий Денисовнинг “Локомотив”ини қабул қилди.

Учрашувда пенальтидан киритилган ягона гол “Краснодар”га муҳим уч очкони тақдим этди. Бу голнинг киритилишида Аҳмедовнинг ҳам хиссаси катта бўлди. Терма жамоамиз узатган тўпдан сўнг ҳимоячилар қоида бузишди ва натижада пенальти белгиланди. Пенальтини Перейра аниқ амалга оширди.

Иккинчи бўлимда темирйўлчилар анча фаол ўтказишди. Бир вазиятда Виталий Денисовнинг кучли зарбасидан сўнг "тўққизлик"ка кираётган тўпни Дикань қайтаришга муваффақ бўлди.

Бугунги ғалабадан сўнг “Краснодар” ва 3-поғонада бораётган ЦСКА ўртасидаги очко фарқи 4талигича қолди.

КРАСНОДАР – ЛОКОМОТИВ 1:0 (1:0)
25 апрель, 21.00. “стадион Кубань”
Гол: 1:0 – 37, пенальти Перейра.
“Краснодар” – Дикань, Калешин, Сигурдссон, Гранквист, ОДИЛ АҲМЕДОВ, Петров, Перейра (Вандерсон, 70), Широков, Измайлов, Мамаев (Лаборде, 76), Ари (Бистров, 90).
“Локомотив” – Гильерме, Чорлука, ВИТАЛИЙ ДЕНИСОВ, Логашов, Пейчинович, Ньяссе (Шкулетич, 80), Шешуков (Шишкин, 24), Самедов, Миранчук, Касаев, Михалик (Фернандеш, 63).
Огоҳлантиришлар: Михалик (16), Самедов (36), Гильерме (79), Шишкин (79), Лаборде (90), Пейчинович (90).