Россия чемпионатининг 25-тури доирасида Пермнинг “Амкар” ва Грознийнинг “Терек” клублари ўртасидаги учрашувнинг (2:1) танаффус пайтида “Звезда” стадиони майдонида биринчи марта ошиқнинг ўз севгилисининг қўлини сўраш таклифи билдирилди. Пермликларнинг Александр исмли мухлиси ўзининг севгилиси Ольгага унга турмушга чиқишини сўраб мурожаат қилди, қиз ҳам ўз навбатида ёрининг таклифини қабул қилди, деб хабар берилмоқда “Амкар” сайтида.
“Оля, биз сен билан 8 йилдан бери биргамиз, кўп нарсани бошимиздан ўтказдик ва кўп нарсага эришдик. Яқинда иккинчи қиз фарзанд кўрамиз. Бироқ шунга қарамасдан, мен сенга менга турмушга чиқишни таклиф қилмаганман. Ҳозир шу ишни қиламан. Мен, бизнинг оиламиз 4-4-2 схема бўйича яшашини истайман. Бу схемадаги биринчи рақам – бу оиламиздаги ўғил фарзандларимиз сони, иккинчиси – қиз фарзандларимиз сони ва биз иккаламиз бу жамоани оилавий ғалабалар сари олиб борамиз. Оиламиз яна битта янги ўйинчи билан тўлиб, сен чарчаганингда мен сенинг ўрнингга ўйинга тушаман!
Кел, барча ёмон нарсаларни аутга чиқариб ташлаб, барча муаммоларимизни ўйиндан ташқари ҳолатда қолдирайлик. Ваъда бераман, “Амкар” учун Дмитрий Белоруков каби мен ҳам бутун умрга сенинг таянч ҳимоячинг бўлиб қоламан. Билгинки, мен сенга бизнинг севимли жамоамиз мухлислари ўз жамоаларига вафодор бўлгани каби вафодор бўламан!”, - деб айтди Александр.
