Сергей Лушчан бошчилигидаги "Бунёдкор" сафарда "Металлург"ни 2:1 ҳисобида мағлубиятга учратди.
“Бунёдкор” ўйинни фаол бошлади. Уюштирилган кетма-кет ҳужумлар 8-дақиқадаёқ ўз самарасини берди. 8-дақиқада Собирхўжаев рақибдан тўпни олиб қўйиб, Аюповни олдинга бошлади. Темур эса бир уринишда тўпни Ҳамдамовга етказди. Достонбек эса осонлик билан Султоновнинг оёқлари орасидан тўпни дарвозага жойлаб, ҳисобни очди. Биринчи бўлим ўрталарида Обид Жўрабоев жарима майдончамиз ичида тўп учун курашда Руслан Вагаповга нисбатан ўйин қоидасини бузди. Натижада белгиланган пенальтидан Дилмурод Каримов унумли фойдаланиб, ҳисобни тенглаштирди. Учрашув бир қарашда дуранг натижа билан тугайдигандек кўринган бир пайтда Воҳид Шодиев ўзини кўрсатди. Марказдан оширилган тўпни у кўкрагида тўхтатиб олиб, дарвозани чап оёғида йўллаган кучли зарбаси билан ишғол қилди – 1:2.
Шу тариқа, “Бунёдкор” қийин кечган Бекобод сафаридан уч очко билан қайтмоқда.
Олий лига, 6-тур
“МЕТАЛЛУРГ” – “БУНЁДКОР” 1:1 (1:1)
Голлар: Достонбек Ҳамдамов 8 (0:1), Дилмурод Каримов 26 пенальти (1:1)
“Металлург”: 32.Сухроб Султонов, 4.Ҳикмат Ҳошимов, 6.Дилмурод Каримов, 7.Дониёр Одилов, 9.Шахзодбек Нурматов (21.Сардор Расулов 84), 13.Александр Ковалев, 14.Даврон Каримқулов, 15.Алишер Зиёвуддинов (77.Саиджон Абдужабборов 82), 19.Руслан Вагапов, 20.Мирғиёс Сулаймонов, 22.Мурод Тошматов
“Бунёдкор”: 45.Акбар Тўраев, 4.Хайрулла Каримов (С), 9.Минори Сато, 11.Мирзоҳид Ғофуров, 13.Иван Милошевич (16.Артём Филипосян, 64), 15.Обид Жўрабоев, 17.Достонбек Ҳамдамов, 27.Сардор Собирхўжаев, 39.Элдор Шомуродов (21.Сардор Рашидов, 46), 40.Темур Аюпов (14.Вохид Шодиев, 54), 48.Акрамжон Комилов
Ҳакамлар: А.Асимов, Т.Галеев, А.Пўлатов (барчаси – Тошкент), Р.Копадзе (Фарғона)
Назоратчи: И.Нехочин (Наманган)
26 апрель. Бекобод. “Металлург” стадиони.
