“Металлург" – “Бунёдкор” учрашувидан кейин ҳар иккала жамоа бош мураббийлари фиклари билан қизиқдик, дея хабар беради “қалдирғочлар” расмий Твиттери.
“Афсуски, ютишимиз мумкин бўлган баҳсда мағлуб бўлдик. Футболда хатолар кечирилмайди. "Бунёдкор"га қараганда кўпроқ вазият яратдик. Лекин имкониятлардан фойдаланишда камчиликларга йўл қўйдик. "Бунёдкор" бугун кўпроқ ёшларни туширди. Балки тажрибали футболчиларини туширганида шогирдларимнинг маъсулияти янада ошармиди. Футболда "сен урмасанг — сенга уришади", деган гап бор. 6-9-турлар оралиғида кучли клублар билан кетма-кет ўйнаймиз. Шу боис шогирдларимни эътиборлироқ ва хушёрроқ бўлишга чорлайман. "Бунёдкор"ни ғалаба билан табриклайман. Улар бугун захира ўриндиғи ҳисобига ютиб кетишди”, - дейди Рустам Мирсодиқов.