“Металлург" – “Бунёдкор” учрашувидан кейин ҳар иккала жамоа бош мураббийлари фиклари билан қизиқдик, дея хабар беради “қалдирғочлар” расмий Твиттери.

«Ғалабадан хурсандман. Натижадан кўнглим тўлди, лекин ўйиндан қониқмадим. Яна эски хатолар такрорланяпти. Бунинг устида жиддий иш олиб борамиз. Бугун омад кўпроқ "Бунёдкор"га кулиб боқди. Чунки "Металлург"да 100 фоизли вазият жуда кўп бўлди. Рақиб ўз имкониятларидан фойдалана олмади. Очиғини айтсам, "Металлург" ҳимоявий ўйин кўрсатса керак деб тахмин қилгандим. Лекин бундай бўлиб чиқмади. Улар ҳужум қилишдан тўхташмади ва қарши ҳужумларга тайёр туришди. Захирадан майдонга тушган футболчиларимиз, айниқса Шодиев маҳорат бобида устун эканлигини намойиш этди. У гол урган вазиятда жуда фаол ва ақл билан ҳаракат қилди», - дейди Сергей Лушчан.