“Ливерпул”нинг собиқ ҳимоячиси ва етакчи футболчиси Жейми Каррагер АПЛ 34-тури “Арсенал” ва “Челси” учрашуви(0:0) ҳақида гапирар экан “кўклар” ҳимоячиси Жон Террини Премьер-лига тарихидаги энг яхши марказий ҳимоячи дея эътироф қилди.
“Терри PFA талқини бўйича энг яхши олти ҳимоячилар орасига кириши лозим. Азарни ҳисобга қўшмаган тақдирда, Терри — “Челси”даги энг кўп фойда келтирувчи футболчи. Биз Фабрегас, Матич ва Диего Коста мавсум биринчи ярмида ажойиб ўйин кўрсатишганига гувоҳ бўлдик, Террининг ҳар бир ўйиндаги кўрсаткичлари эса таҳсинга сазовор.
“Челси” ҳақида гап кетганида кўпинча унинг ҳимоявий жамоа эканини таъкидлаймиз, лекин тан олиш керак жамоа муайян ўйинларда юксак даражада ҳимояланган, Терри эса энг яхши ўйнаган футболчилардан. Премьер-лига тарихида яхши марказий ҳимоячилар кўп бўлган, лекин менимча Терри биз кўрган ҳимоя вакиллари ичида энг яхшиси”, — дейди Каррагер.
