“Манчестер Юнайтед” жамоасининг голландиялик ҳужумчиси Робин ван Перси ёзги трансферлар вақтида жамоани тарк этиш ниятида эмаслигини маълум қилган.
Daily Mail нашри маълумотига кўра, 31 ёшли ҳужумчи “қизил иблислар” бош мураббийи ҳисобланадиган ватандоши Луи ва Гални бу ҳақда огоҳлантирган.
Жорий мавсумда ван Перси турли жароҳатлар туфайли тўлиқ қатнаша олмади ва 25та ўйиндагина майдонга тушди. Охирги ойлар давомида жароҳатини даволаган футболчи 26 апрель куни “Эвертон”га қарши сафар учрашувида (0:3) захирадан ўйинга қўшилиб, майдонга қайтганди.
Ван Персининг манчестерликлар билан шартномаси 2016 йилнинг ёзига қадар тузилган.
Бироз олдинроқ, “МЮ” бу футболчиси билан шартномасини муддатидан олдин бузиши учун товон пули сифатида 5 млн фунт таклиф қилгани хабар қилинганди.
