Лондоннинг “Челси” клуби сардори Жон Терри ўз жамоадоши Гари Кэйхилл кўрсатаётган ўйин ҳақидаги таассуротлари билан ўртоқлашди.

“Гарри – кучли характерга эга йигит. У, албатта, икки ой олдин асосий таркибдан чиқиб кетганидан жуда хафа эди, бироқ у жамоадаги ўрнини яна қайтариб олишга муваффақ бўлди.

Гарри ўзгача даражадаги ўйинчи, у Англиянинг энг яхши ҳимоячиси. Менинг фикримча, у бутун мавсумни ажойиб тарзда ўтказди.

Мураббий уни қандайдир вақтга таркибдан чиқариб юборди, бироқ мен шахсан у юқори даражадаги ўйин намойиш қилган эди, деб ҳисоблайман”, деб айтди Терри.