“Барcелона” бош мураббийи Луис Энрике учрашувдан сўнг матбуот анжуманида қатнашди.

“Жамоамни ғалаба билан табриклайман. Ушбу учрашув қийин кечиши мумкин эди. Лекин биз ўйинни яхши кайфиятда бошладик. Агар футболчилар шундай даражада ўйин кўрсатса, албатта уларни тўхтатиб бўлмайди.

Қайси клуб бўлишидан қатъи назар бир учрашувда 6 та бундай чиройли голлар урилганини эслай олмайман.

Мухлислар Хавини қолишини истамоқда. Менинг бунга муносабатим? Мен ўз фикримни айтиб бўлганман. Барчаси Хавининг қўлида. Хавининг дастлабки учрашувини яхши эслайман. У бошқа сайёрадан келгандек. Ўйлайманки, Хавининг якуний қарори ҳам “Барcелона”га, ҳам унинг ўзига ижобий бўлади.

Бугунги учрашувда киритилган голларнинг қайси бири менга ёқди? Улардан бирини ажратиш қийин. Барча голлар мен учун ёқимли.

Футболчилар ва ўйин савиясини янада кучайтириш? Албатта бу йўлда яна давом этамиз. Ўйинни қайта ўриб чиққанимизда, хатоларимиз кўзга ташланади. Ва биз ўша хатолар устида ишлаймиз”, - дейди Энрике.