"Ювентус" яримҳимоячиси Поль Погба "Реал"га қарши ЕЧЛ 1/2 яримфиналининг жавоб учрашувигада майдонга тушиши мумкин, дея хабар беради клуб расмий сайти.
Погба ЕЧЛ 1/8 финалининг "Боруссия"га қарши жавоб учрашувида жароҳатланган эди. У майдонда 27 дақиқа ўйнаган ва қолган вақтни захира ўриндиғида жароҳатига муз қўйилган ҳолда ўтказган эди.
Текширувлар Погбанинг тикланиш жараёни яхши кечаётганини кўрсатди ва 6 май куни умумий гуруҳ билан машғулотларга қўшилиши кутилмоқда.
ЕЧЛ яримфиналининг биринчи учрашуви 5 май куни Туринда бўлиб ўтса, жавоб учрашуви 13 май куни Мадридда бўлади.
