«Манчестер Юнайтед» бош мураббийи Луи ван Гал жамоанинг ушбу мавсумдаги иштироки ва келаси мавсумга тахминлари борасида ўз фикрларини билдириб ўтди.

«Етакчилар билан фарқни йўққа чиқариш учун нима қилиш керак? Биз селекция ишларини барқарорлаштиришимиз керак. Мен бу ҳақда жуда кўп марта гапирганман. Ўйлайманки, мавсумолди тайёргарлигининг ҳам айби бор. Биз навбатдаги мавсумолди йиғини борасида тайёргарлик кўриб қўйдик. АҚШда иккита йиғини ўтказамиз. У ерда ўйинларни ўтказиш учун самолётда учмаймиз, автобусда борамиз. Бу яхши.

Бундан ташқари, биз ўтган йилги жойда эмас, салқинроқ бўлган бошқа соҳилда бўламиз. Клуб менинг талабларимни бажарди. Бу сафар тайёргарлигимиз ўтган йилгига нисбатан яхшироқ бўлади.

Мавсумолди йиғини туфайли биз мавсумда жуда ёмон старт олдик. Ўйлайманки, келаси мавсумда "Челси" билан бир хил даражада бўламиз», – дейди Луи ван Гал.