“Бунёдкор” – “Нефтчи” учрашувидан кейинги матбуот анжуманининг иккинчи қисмида “қалдирғочлар” устози қатнашди.
- “Бунёдкор” пенальти ишлаб бериш бўйича жаҳон чемпионига айланб бўлди. Ҳар ўйинда шу аҳвол. Орқа чизиқда хатолар кўпайиб кетди. Рақиб ҳужумчиларини бирга-бир вазиятга чиқариб юбориш бўйича ҳам уларга ёрдам бериб юборяпмиз. “Нефтчи”ни ғалаба билан табриклайман, - деб гап бошлади Сергей Иванович.
- “Пенальти ва қизил карточка борасида қандай фикрдасиз?
- Қизил карточка 100 фоиз бор эди. Пенальти борасида эътироз билдиришим мумкин. Лекин мен ҳеч қачон ҳакамлар масаласи борасида чуқрлашмаганман ва хатто муҳокама қилмайман ҳам.
- Шогирдларингиз майдондаги бўш худудларни яхши кўра олишмаётганидек...
- Бу савия билан боғлиқ.
- “Бунёдкор” йил бошида марказдан ҳам, қанотлардан ҳам ранг-баранг ҳужумлар ташкил этарди. Бироқ охирги ўйинлар шуни кўрсатмоқдаки, жамоа яна қанот футболига қайтгандек. Бу Сизни кўрсатмангизми ёки футболчилар шундай ўйнашни маъқул топишяптими?
- Агарда бугунги вазиятларимизни голга айлантира олганимизда бундай бўлмасди. Рақиб зич ҳимояланди ва камдан-кам ҳолларда орқа чизиқда бўш худуд яратди. Вазият шуни тақозо этди.
- Темур Аюпов ҳақида қандай фикрдасиз?
- У меҳнатсевар футболчи. Ўз устида ишлашдан тўхтамайди. Фамилиясини айтмайману, баъзи ўйинчилардан кўра кўпроқ меҳнат қилади. У асосий таркибнинг бир қисми. Аслида уни ўйин бошида майдонга туширмоқчи эдик. Бироқ маҳорати юқори футболчиларга ишонч билдириш тўхтамига келгандик.
- Бекрич, Милошевич, Зуагининг таркибда йўқлиги нима билан боғлиқ?
- Шакер ва Ванянинг жароҳати бор. Бекричга келсак, у ўтган ўйинда ишончни оқлай олмади. Шу боис захирада қолдирилди.
