Қозоғистонлик таниқли футбол функционери Бахтиёр Байсеитов Vesti.kz нашрига интервью берар экан, қозоқ футболининг келажаги Бауржан Исламхан ҳақида шунингдек, ўзбек футболига алоқадор фикрлари билан ўртоқлашди.
- Кўп клубларни кўрдим, яхши савиядагилари эса уч-тўртта холос. Ҳеч кимни хафа қилмаслик учун уларни номламайман. Футбол тушунчалари бўйича бироз кучайишлари керак. Россиянинг баъзи клубларига даражасига яқин келишлари керак.
Ўзбекистон чемпионатига қарасангиз, у ерда "Терек", "Амкар", "Арсенал" (Тула) каби клублар даражасида ўйнайдиган 4-5 жамоа бор. Ўзбек футболчилари россия футболида ўзларини йўқотиб қўймадилар, чунки уларда яхши мактаб бор, болалар футболига катта эътибор берадилар. Ўша Аҳмедов ҳам РФПЛда иккинчи ўринда бораётган "Краснодар"да ўйнамоқда. Бу футболчининг маҳорати ва ўзбек чемпионатининг яхши савиясидан дарак беради.Бизда эса, ўша Бақоевни томоша қиласан ва унинг ўзимизники эмаслигини тушунасан. Исламхан ўйнаши керак, аммо у "Краснодар"да ўйнамаяпти.
Агар Исламхан, Жолчиев, Нусербаев, Нургалиев машғулотлардан сўнг яна ишласалар, Аҳмедов даражасига эришилари мумкин. Худо ўйинчига иқтидор берган, у эса уни ривожлантириши керак", - дейди Байсеитов.
