6 май куни "Пахтакор" Чемпионлар лигасининг гуруҳ босқичи сўнгги турида Ар-Риёднинг "Шабаб" клубини қабул қилади.

Жамоамиз мазкур беллашувда ғалабага эришса ва БААда "Ал Айн" "Нафт"га ютқазмаса, ундай ҳолда "Пахтакор" 2-ўринни эгаллаб, нимчорак финал иштирокчисига айланади. ОФК қарорига кўра, ҳар икки учрашув бир хил пайтда бошланади. Тошкент вақти билан соат 20:30да ўйинларга старт берилади.

Учрашувга чипталарни стадион кассаларидан 3, 5 ва 15 минг сўмга харид қилишингиз мумкин. Ишқибозларни жамоамизни муҳим учрашувда стадионда қўллаб-қувватлашга чақириб қоламиз.

Ҳакамлар: Моҳд Амирул Ёқуб, Азман Исмоил, Сиванесан Мунианди (барчаси Малайзия), Алибек Сапаев (Туркманистон).

Ҳакамлар назоратчиси: Авни Абдул Карим Саид (Иордания).