“Насаф” - “Ал-Аҳли” (0:0) учрашувидан сўнг дастлаб меҳмонлар бош мураббийи Кристиан Гросс учрашув ҳақидаги фикрлари билан ўртоқлашди.

– Шу вақтгача мағлуб бўлмагандик ва бу серияни давом эттирдик. Бу натижа учун дарвозабонни ҳиссаси катта бўлди. Қаршигача келгунча анча қийинчиликлар туғилди. Машғулотни ўтказа олмадик. Иккинчи бўлимдаги ўйинимиздан қониқмадим. Омад биз томонда бўлди. “Насаф” яхши ўйнади, кучли жамоа гуруҳда қолганидан афсусдаман. Гуруҳдаги барча жамоаларнинг савияси бир хил эди. “Насаф”га омад кулмади.

– Жамоанинг агрессив ўйини сабаби? Икки футболчи огоҳлантирилди…
-Мақсадимиз серияни давом эттириш эди. Гуруҳимиздаги мураббийларнинг ҳаммаси кучли.

— “Насаф”нинг ҳисобланмаган голи ва жарима майдончасидаги қўл билан ўйнаганини мураббий қандай баҳолайди.
— Шахсан бу ҳолатни кўрмаганман. Агар кесиб ўтмаган бўлса голни ҳисоблаш керак эди. Бу футбол. Хатоликлар доим бўлиб келган. Бугун омад биз томонда бўлди холос!

— “Ал Аҳли”нинг чемпионлар лигасидаги мақсади нимадан иборат?
— Иншаоллоҳ, ҳаракат қиламиз чемпионликка…

— Кечикишнинг асл сабаби нимада?
— Айнан нимага эканлигини билмайман. Техник сабаблар бўлса керак.

— Қайси футболчини алоҳида кўрсатиб ўта оласиз?
— Алоҳида футболчини кўрсатишим нотўғри. “Насаф”нинг энг кучли томони – мураббий!