«Ювентус» бош мураббийи Массимилиано Аллегри «Реал»га қарши ЕЧЛ ярим финал баҳси (2:1) борасида ўз фикрларини билдириб ўтди.
«Мен ўз шогирдларимнинг ўйинидан қониқиш ҳосил қилдим. Улар бундай натижага муносиб ўйин кўрсатишди. Ахир Чемпионлар лигасининг ярим финалига етиб келиш ва яна "Реал"га қарши ўйнаш — оғир иш.
Биз фаол ўйнадик, "Реал"га деярли ҳеч нарса қилиш имконини бермадик. Биринчи бўлимда ҳужумни ривожлантириш нуқтаи назаридан яна ҳам яхшироқ ўйнашимиз мумкин эди.
Афсуски, Льоренте учинчи голни ура олмади. Лекин мен ҳар қандай ҳолатда ҳам "Реал" устидан қозонилган ғалабадан хурсандман. Жавоб ўйинига тайёргарлик кўриш учун олдимизда бир ҳафта вақт бор», – дейди Аллегри.