Аргентиналик 52 ёшли мутахассис Серхио Батиста Баҳрайн терма жамоасининг бош мураббийи этиб тайинланди, дея хабар беради Goal.
Аргентина терма жамоаси сафида 1986 йилда жаҳон чемпиони бўлган Баптистанинг осиёликлар билан шартномаси 2 йилга тузилди.
Батистанинг охирги иш жойи Хитойнинг "Шанхай Шенхуа" клуби бўлган эди, у 2014 йилда бу клубни тарк этган эди. 2007-2010 йилларда Аргентина ёшлар ва Олимпия терма жамоаларини бошқарган ва 2008 йилда аргентиналик олимпиячиларни Пекин Олимпиадаси ғолиблигига олиб келган. 2010-2011 йилларда Аргентина терма жамоасини бошқарган, аммо Америка кубоги мусобақасининг чорак финалида мусобақадан чиқи кетгани учун истеъфога чиқарилган.
Баптистанинг олдига 2018 йилда Россияда бўлиб ўтадиган Жаҳон чемпионатига чииш вазифаси қўйилган.
