Тошкент, 10 май - Бугун "Локомотив" олий лиганинг 8-тур доирасида "Андижон"га қарши майдонга тушди. ТТЙМИ стадионида бўлиб ўтган баҳсда "темирйўлчилар" 2:0 ҳисобида ғалаба қозонишди.   Учрашувни "Локомотив" футболчилари кўтаринки руҳда бошлашди. Рақиб дарвозаси томон кетма-кет зарбалар берилди. Тўп киритиш учун Марат Бикмаев, Руслан Корян, Олег Зотеев каби футболчиларимиз бир нечта вазиятларга эга бўлишди. Аммо ўйинда ҳисобни очиш Санжар Шоаҳмедовга насиб қилди. Бу вазиятда биринчи таймнинг 40-дақиқаси ўтиб бораётганди. Бикмаев тўпга зарба бермасдан ўзидан қулайроқ турган шериги Шоаҳмедовга узатиб берди. Санжар эса кучли зарб билан ҳисобни очди - 1:0.   Танаффусдан кейин "Локо" ҳужумлари янада кучайди. Айниқса, Корян, Кападзе жуда қулай вазиятга эга бўлишди. 73-дақиқага келиб ҳимоячи Салим мустафоев гол уришга муваффақ бўлди. У ҳимоячилар ва дарвозабоннинг хатосидан унумли фойдаланиб, ҳисобни 2:0га етказди. Ўйиннинг қолган қисмида дарвозаларга бошқа тўп киритилмади ва учрашув 2:0 ҳисобида "Локомотив"нинг ғалабаси билан якун топди.   Олий лига. 8-тур 10 май. ТТЙМИ стадиони. 1432 томошабин   ЛОКОМОТИВ - АНДИЖОН 2:0 Голлар: С.Шоаҳмедов, 40. С.Мустафоев, 73.   Ҳакамлар: И.Танташев, О.Абдувасилов, А.Снетков, И.Ибрагимов. Назоратчи: Р.Серазитдинов ПФЛ вакили: С.Ризаев   "Локомотив": Маъмур Икромов Бобур Йўлдошев (Шавкат Муллажонов, 90) Руслан Корян (Икром Алибоев, 56) Марат Бикмаев (Темурхўжа Абдухолиқов, 65) Лутфулла Тўраев Жасур Ҳасанов (кичик) Салим Мустафоев Темур Кападзе Санжар Шоаҳмедов Неманья Яничич Олег Зотеев   Захира: Игнатий Нестеров, Карен Абрамов, Иброҳим Раҳимов, Дамир Кояшевич.   "Андижон": Геннадий Мошняга Иброҳим Отахонов Лочин Солиев (Сайриддин Ғаффоров, 67) Предраг Вуйович Абдумалик Абдуллаев Абдулатиф Абдуқодиров (Иқбол Акрамов, 46) Тимур Васильев Жавлон Гусейнов Санжар Асқаралиев Умрилло Рамазонов Асрор Раҳмонов (Асқар Жадигеров, 77)   Захира: Элдор Исабоев, Шукур Жумабоев, Дониёр Усмонов, Фаррух Шотурсунов.   Огоҳлантириш: С.Мустафоев, 79.