“Сўғдиёна” – “Бунёдкор” учрашувидан кейинги матбуот анжуманининг иккинчи қисмида жиззахликлар устози ва учрашувда дубль қайд этган ҳужумчи Жасур Ҳакимов иштирок этди.

- Ғалаба билан жамоа аъзолари, раҳбариятни ҳамда бутун учрашув мобайнида бизни қўллаб-қувватлаб турган мухлисларимизни табриклайман. Учрашув қизиқарли ўтди. Бугунги баҳсга ҳам жиддий ҳозирлик кўргандик ва меҳнатларимиз бесамар кетмади. Ўйиндан олдин йигитларга тарихга кириш имкони бор. “Бунёдкор”дан шу кунгача бирон маротаба ҳам очко тортиб олмаганимизнию ва хатто ўзаро ўйинлар статистикасида рақиб дарвозасига атиги битта гол урганимизни айтгандим. Футболчиларимиз ғалаба қозониб, ҳақиқий байрам уюштириб беришганидан хурсандман. Мусобақа жадвалидаги мавқеимизни ҳам тиклаб олдик. Энди буютуқ тарихда қолди. Эртадан бошлаб кейинги ўйинлар ҳақида бош қотиришимиз керак, - дейди Даврон Файзиев.

Жасур Ҳакимов (“Сўғдиёна” ҳужумчиси):
- Мухлисларимизга алоҳида миннатдорчилик билдириб ўтмоқчиман. Улар бутун учрашув мобайнида жамоамизга далда беришиб, қўшимча куч бағишладилар. Учрашувда иккита гол урган бўлсам-да, ғалабага бутун жамоа бўлиб эришдик, деган бўлардим. Даврон Файзиевни малакали мутахассис, деб биламан. У ёшларга ишонч билдиришни ва уларни руҳлантиришни жуда яхши билади. Айнан шу ҳислатлари учун бу инсонни қадрлайман.