Мадриднинг “Реал” клуби ҳимоячиси Серхио Рамос Чемпионлар лигасининг яримфиналида “Ювентус” билан ўтган учрашув борасида ўз фикрлари билан ўртоқлашди.

“Ростини айтсам, Чемпионлар лигасидан чиқиб кетишни унутиш қийин. “Реал” унвонлар учун курашадиган жамоа, биз бу мусобақада фаворит жамоа эдик, ўз унвонимизни ҳимоя қилишимиз мумкин эди.

“Ювентус” ҳақли равишда финалга чиқди. Гол урганимиздан кейин, ҳаммасини қойиллатдик, деб ўйлаган эдик.

Биз рақибимизни ғалабаси билан табриклашимиз керак. У икки ўйин бўйича биздан кучлироқ бўлди. “Ювентус”дан кўра кўпроқ гол уролмадик. Биз ҳужумда унча ҳам яхши ўйнамадик.

“Ювентус”нинг голидан кейин биз ҳиссиётлар борасида бироз тушкунликка тушиб қолдик, чунки яхши ўйин ўтказаётган эдик, бироқ қулай вазиятлардан фойдалана олмадик.

Бу биз учун яхши сабоқ бўлиши керак: агар сиз Чемпионлар лигасида хатога йўл қўйсангиз, сиз ундан чиқиб кетишингиз муқаррар”, деб айтди Рамос.