“Бунёдкор” – “Машъал” учрашувидан кейинги матбуот анжуманининг биринчи қисмида мубораклиалар устози қатнашди.

- Ўйин борасида нима дейишга ҳам ҳайронман. "Бунёдкор"ни ғалаба билан табриклайман. Улар бугун жуда кескин ва ўткир ҳужумлар ташкил этишиб, ҳимоячиларимизни довдиратиб қўйишди ва ҳақли ғалабага эришишди. Бир нарсадан ҳайронман. Агар биз Муборакдаги, вилоятлардаги ёки бўлмасам пойтахтдаги ўйинларимизни таҳлил қилиб чиқадиган бўлсак, шогирдларимга Тошкентда нимадур бўлмоқда. Бу борада жиддий иш олиб бориб, керакли хулосаларни қабул қиламиз. Қисқа қилиб айтадиган бўлсам, Тошкентда омадимиз чопмаяпти. Ўйиндан олдин йигитларга кўрсатма берар эканман, “Бунёдкор” биз учун ноқулай рақиб эканлигини таъкидлагандим. Шунингдек, бу рақиб устидан ҳали бирон маротаба ҳам зафар қучмаганимизга урғу бергандим. Қарши ҳужумларда бизда вазият бўлишига умид билдириб, орқада зич ҳимоя ташкил этдик. Афсуски, қандайдир бир неча дақиқалар ичида киритилган тўртта гол режаларимизни барбод қилди. Агар биринчи бўлимда дурангни сақлаб қолганимизда, 2-таймда Владислав Ивановни майдонга туширардим. Лекин ўтказиб юборилган тўртта голдан сўнг Ивановни майдонга ташлашдан маъно кўрмадим, - дейди Александр Андреевич.