Чехияда хоккей бўйича жаҳон чемпионати якунланди. Финал учрашувида азалий рақиблар – Россия ва Канада терма жамоалари ўзаро тўқнаш келишди. Ўйин кутилмаган ҳисоб билан якун топди. Канадалик хоккейчилар амалдаги жаҳон чемпиони Россия терма жамоасини йирик 6:1 ҳисобида доғда қолдиришди.

Канадаликлар кетма-кет олти маротаба Бобровский қўриқлаган дарвозани ишғол қилишганидан кейингина Олег Знарок шогирдлари уйғонишди. Лекин Малкиннинг ягона голи амалда ҳеч нарсани ўзгартирмади.

Шу тариқа, Канада терма жамоаси ўз тарихида 25-маротаба жаҳон чемпионига айланди. Россия терма жамоаси ҳисобида 27та чемпионлик (22таси собиқ СССР терма жамоасида, 5таси Россияда) бор. Яна бир маълумот, Канада ушбу жаҳон чемпионатидаги барча 10та ўйинда ғалаба қозонди. Шайбалар нисбати – 66:15.

Бронза медали учун кечган баҳсда эса АҚШ терма жамоаси Чехия устидан ғалаба қозонди — 3:0.

ФИНАЛ
КАНАДА – РОССИЯ  –  6:1 (1:0, 3:0, 2:1)
17 май, 23.45, “О2 Арена”
1:0 – 19 Икин (Маззин, Эннис)
2:0 – 22 Эннис (Кутюрье, Икин)
3:0 – 28 Кросби (Хэмьюс, Эберле)
4:0 – 29 Сегин (Бэрри, Жиру)
5:0 – 49 Жиру (О′Райлли, Кросби)
6:0 – 50 Маккиннон (Савар)
6:1 – 53 Малкин (Куликов, Мозякин)