Англиянинг амалдаги чемпиони "Челси" Премьер-лиганинг 37-тури доирасида ўтказилган ўйинда йирик ҳисобда имкониятни бой берди.

"Вест Бромвич" футболчиси Берахино 9-дақиқада ҳисобни очди. Биринчи бўлим ўрталарида Сеск Фабрегас йўқ жойдан ўзига ўзи қизил карточка "тилаб" олди. Ҳакам "Вест Бромвич" ҳимоячиси ва "Челси" ҳужумчиси Диего Коста ўртасидаги можарони ҳал қилаётганда (Костага сариқ карточка берди), ўйин тўхтатилган ҳолатда жарима майдончасининг ўнг қанотида турган Фабрегас тўпни ўйинчилар ва рефери тўпланиб турган жойга тепди. Тўп эса мезбон жамоа футболчичи Крис Брантнинг бошига тегди. Ҳакам дарҳол "Челси" ярим ҳимоячисини майдондан четлатди.

Иккинчи бўлимда Берахино яна битта гол урган бўлса, айнан ўша Брант ҳисобни йирик кўринишга келтирди.

Шу тариқа, Жозе Моуриньо лондонликлар бошқарувида 2006 йилдан бери илк марта (2006 йилнинг февраль ойида «Мидлсбро»га — 0:3) йирик ҳисобда мағлуб бўлди.

АПЛ, 37-тур
Вест Бромвич – Челси 3:0 (1:0, 2:0)
Голлар: 1:0 – 9 Берахино, 2:0 – 47, пенальти Берахино, 3:0 – 60 Брант.
Вест Бромвич – Майхилл, Доусон, Маколи, Ольссон, Лескотт, Флетчер, Якоб, Моррисон (Бэйрд, 89), Макманаман (Гарднер, 54), Берахино (Идейе, 79), Брант.
Челси – Куртуа, Иванович, Кэйхилл, Терри, Филипе Луис, Лофтус-Чик (Аке, 73), Матич, Реми (Браун, 79), Фабрегас, Азар, Диего Коста (Куадрадо, 64).
Огоҳлантиришлар: Диего Коста (28), Флетчер (29), Ольссон (37), Гарднер (63), Куадрадо (82).
Четлатиш: Фабрегас (29).