“Бунёдкор” – “Обод” учрашувидан кейинги матбуот анжуманининг иккинчи қисмида “қалдирғочлар” устози қатнашди.
- Ғалаба қозондик ва бундан хурсандмиз. “Обод” футбол клуби билан ўзига хос ҳамкорлигимиз бор. Уларнинг таркибидаги 90 фоиз футболчилар “Бунёдкор” тарбияланувчилари ҳисобланишади. Шунинг учун ҳам рақиб бизга қарши икки ҳисса куч ҳамда иштиёқ билан тўп тепди. Уларни бундай ўйин кўрсатишини олдиндан сезгандим. Бизникилар эса маҳорат эвазига ютишни исташди ва ўзларини эҳтиёт қилиб ўйнадилар. Мени энг хурсанд қилган нарса шуки, ҳамма футболчиларим бугунги ўйиндан соғ-саломат ва ҳеч қандай жароҳатларсиз ўтиб олишди. Чунки бизни олдинда чемпионат доирасидаги муҳим баҳслар кутиб турибди. “Обод”га қарши кечадиган жавоб ўйинида ҳам ғалаба қозониш учун ҳаракат қиламиз. – дейди Сергей Иванович.