Мавсум бошида Тошкентнинг "Локомотив" клуби сафига келиб қўшилган черногориялик Дамир Кояшевич биринчи давра ўйинлари якунлангач "темирйўлчилар" сафини тарк этади. Бу ҳақида футболчига яқин инсонлар маълум қилишди. Сабаби ярим ҳимоячи асосий вақтини заҳирада ўтказмоқда. 

Кояшевич тезкор футболчи эканлиги билан мухлислар эътиборини қозонган бўлса-да, бироқ "Локомотив" бош мураббийи Вадим Абрамов унга асосий таркибдан кам жой бермоқда.

Шу боис черногориялик футболчи даврлар оралиғида жамоасини ўзгартириш истагини билдирган.

Эслатиб ўтамиз, Кояшевич ўз фаолияти давомида "Ягеллония", "Гурник" (Польша), "Зета", "Будучност" (Черногория), "Сараево" (Босния ва Герцеговина) ва "Остона" (Қозоғистон) жамоаларида тўп сурган.