Олий лиганинг 10-турини якунлаб берувчи баҳсда "Локомотив" катат қийинчилик билан "Қўқон-1912"ни мағлуб этди.

Ўйин давомида Вадим Абрамов шогирдлари жуда кўплаб вазиятлар яратиб, улардан фойдалана олишмади. Биргина Дамир Кояшевич камида 3та бирга бир вазиятдан дарвозани ишғол қила олмади.

Иккинчи бўлимда "темирйўлчилар" босимни оширишди. Бакланов катта қаҳрамонлик кўрсатиб, барча зарбаларни қайтариб турди. Баъзи вазиятларда омад "Локомотив"дан очиқчасига юз ўгирганини таъкидлаш лозим. Мезбонлар 5та ўйинда рўй берадиган вазиятларни кўкка совуриб юборишди.

Ўйиннинг 72-дақиқасида ФИФА ревериси Мурод Муҳаммедов қўқонликлар дарвозасига бироз шубҳали пенальти белгилади. Бу вазиятда  ўнг қанотдан етказилган тўп учун кураш олиб борган Лутфулла Тўраев йиқилди. Темурхўжа Абдухолиқовнинг пенальтидан зарбасини Бакланов қайтарди. Дарвозабон ҳужумчининг такрорий зарбасини ҳам қайтариши мумкин эди, аммо тўп унинг қўлига тегиб, чизиқни кесиб ўтди.

Мазкур гол ўйинда ягоналигини сақлаб қолди ва "Локомотив" ўз очколарини 21тага етказиб, 3-ўринга кўтарилиб олди.

Олий лига, 10-тур
"ЛОКОМОТИВ" - "ҚЎҚОН-1912" - 1:0
Гол: Темурхўжа Абдухолиқов (73)
Огоҳлантиришлар: Шавкат Муллажонов (44), Темур Кападзе (59), Лутфулла Тўраев (78) — Игорь Голбан (72)
“Локомотив”: 12.Маъмур Икромов, 3.Шавкат Муллажонов, 10.Марат Бикмаев (Темурхўжа Абдухолиқов 66), 13.Лутфулла Тўраев, 16.Жасур Ҳасанов (Иброҳим Раҳимов), 17.Салим Мустафоев, 18.Темур Кападзе (Ислом Тўхтахўжаев 88), 22.Санжар Шоаҳмедов, 31.Неманья Яничич, 77.Жасур Ҳасанов (катта), 99.Дамир Кояшевич.
“Қўқон-1912”: 16.Андрей Бакланов, 3.Ҳасанбой Эргашев, 7.Иззатбек Ғаниев (Маъруф Зокиржонов 89), 9.Носирбек Отақўзиев, 11.Азиз Тўхтабоев (Алексей Николаев 62), 19.Владимир Аргун, 22.Ориф Мамаджонов ( Баҳодир Акромов 76), 23.Фурқат Ҳасанбоев, 24.Илья Ильин, 29.Игорь Голбан.