АҚШ бош прокурори Лоретта Линч 2010 ва 2014 йилларда футбол бўйича жаҳон чемпионатига мезбонлик қилиш сайловини ташкил этишда ташкилот амалдорларини айбдорлигини маълум қилди.

“Бу жиноий иш очилган 14 киши футбол соҳасида барча масалаларга жавобгар бўлган, яъни болаларга футбол майдончалари қурилишидан тортиб бошқа масалаларга. Улар ўз вазифаларидан бойиш мақсадида фойдаланган. ушбу шахсларнинг даромади 150 млн долларни ташкил этган”, - дейди Линч чоршанба куни матбуот анжуманидаги чиқишида.

Унинг сўзларига кўра, Халқаро футбол федерацияси ассоциациясининг (ФИФА) 19 йил давомидаги олган пораси 10 млрд.дан ортиқни ташкил этади.

Амалдорлар футбол чемпионатини ким олиб кўрсатиши ва уни ким бошқаришига оид масалаларни хал этган.

АҚШ адлия вазирлиги чоршанба куни жаҳон футболи билан боғлиқ коррупцияга алоқадор бўлган барча шахслар, хусусан ФИФАнинг амалдаги вице-президентлари Жеффри Уэбба ва Эухенио Фигередо ҳамда қатор компаниялар рўйхатини эълон қилган. Унда жами 9 та футбол амалдорлари ва 5 та корпорациялар раҳбарлари мавжуд.

Рўйхатдаги 7 киши швейцария хукумати томонидан чоршанба куни эрталаб Цюрихда ҳибсга олинган ва улар АҚШга юборилади.

Ҳозирда айбдорларнинг 6 нафари 150 млн доллар миқдоридаги суммани ташкилот фойдасига қайтаришга розилик билдиргани айтилмоқда.