Мадриднинг “Реал” жамоаси президентининг ўринбосари Эдуардо Фернандес де Блас кейинги мавсумдан клуб Рафаэль Бенитес билан ҳамкорлик қилишини айтиб қўйди.
“Уч кун бурун Карло Анчелотти, икки йил олдин эса Жозе Моуринью дунёдаги энг яхши мураббий эди. Янги ҳафтадан бу мақомга Рафа Бенитес эга бўлади”, – деди у тантанали маросимлардан бирида.
“Реал” билан 2014 йилги Чемпионлар Лигасини ютиб олган Анчелотти 25 май куни ишдан бўшатилди. Бенитес эса охирги икки мавсум давомида Италиянинг “Наполи” жамоасига мураббийлик қилиб келди. Унинг Анчелоттидан кейин “Реал”га мураббийлик қилиши оммавий ахборот воситаларида тахмин қилиб келинмоқда.