Янги Зеландиядан старт олган U-20 ёшлар ўртасидаги Жаҳон чемпионати "F" гуруҳи вакиллари ҳам бугун кичик мундиалдаги иштирокларини бошлашади.
Равшан Ҳайдаров бошчилигидаги Ўзбекистон ёшлар терма жамоаси Жаҳон чемпионатидаги илк ўйинида Гондурас ёшлар терма жамоасига қарши майдонга тушади. Ўзбекистон ёшлар терма жамоаси Гондурасга қарши 1-тур ўйинида расман мезбон сифатида оқ либосларда ҳаракат қилса, Гондурас терма жамоаси кўк рангли либосларда ўйнайди. Учрашув Тошкент вақти билан соат 9:00 да бошланади. Мазкур ўйин "Спорт" канали орқали жонли трансляция қилинади. Шунингдек, Stadion.uz орқали матнли онлайн трансляцияни ўқиб боришингиз мумкин.
Эслатиб ўтамиз, ҳамюртларимиз гуруҳдаги иккинчи тур ўйини 4 июнь куни Германия ёшлар терма жамоасига қарши бўлиб ўтса, 3-тур 7 июнь куни Фиджи терма жамоасига қарши бўлиб ўтади.
