"Ювентус"нинг испаниялик ҳужумчиси Альваро Мората ЕЧЛ финалида "Барселона"га қарши учрашув олдидан фикрлари билан ўртоқлашди.
Мусобақа яримфиналида Мората ўзининг собиқ жамоаси "Реал" дарвозасига ҳар икки ўйинда биттадан гол урган эди.
"Албатта, "Барселона"га гол урсам, бу "Реал"га урганимдайоғриқ бермайди. Финалда "Барселона"га гол уриш - осон иш эмас. "Реал"да узоқ вақт ўйнаганман, аммо каталонияликларга қарши учрашувда алоҳида мотивацияга эга бўламан дея олмайман. Шунчаки, чемпионлар лигаси финалида ҳеч кимга махсус туртки керак эмас. Албатта, "Барселона"га қарши ўйинлар мен учун ўзгача бўлиб келган", - дейди Мората.