Бир йиллик танаффусдан сўнг яна Бундеслигага қайтган "Маинц 05" клубининг собиқ бош мураббийи Томас Тухель дортмундликларни янгидан-янги марраларга етаклашга ҳаракат қилади.
Бугун янги мураббийни расмий таништириш маросими ўтказилди ва у клуб келажаги ҳақида тўхталиб ўтди.
– Мен ҳозир расман "Боруссия Д"нинг янги мураббийи бўлганимдан жуда хурсандман. Бундай жамоани бошқариш энг катта орзуларимдан бири эди. Биз биринчи навбатда кучли тўртлик учун курашга қайтишимиз керак. Юрген Клопп сўнгги етти йил ичида улкан ишларни амалга оширди. Мен бу ишларни давом эттириб, жамоага янада кўпроқ фойда олиб келишни хоҳлайман. Охирги вақтларда таркибга янги футболчилар олиб келиш ҳақида гапирилмоқда. Аммо бу ерга хоҳлаганча иқтидорли футболчини топса бўлади. Яхши натижаларга эришиши учун тайёргарликни бошлаш керак.
Эслатиб ўтамиз, 41 ёшли мутахассис "сариқ-қоралар" билан уч йиллик шартномага имзо чеккан ва келишувга кўра, йилига 5 млн. евро маош олади.
